Tuigim cén fath nach bhfuil sibh ag scríobh anseo anois ach ní scríobhtar faic sa snáithe seo (i.e. "Labhair liom!") go deo. Mar sin, is dóigh liom go mbíonn go leor ama agaibh le bhur gcuid Gaeilge a chleachtadh le linn na ranganna - tá éad orm libh faoi sin ;).

Mé féin? Bhí mé ag lorg na líonláithréan mar gheall ar an nGaeilge sa Pholainn agus fuair mé bhur bhfóram. Nílim i mo mhac léinn a thuilleadh agus dá bhrí sin caithfidh mé obair. Mo spéis sa Ghaeilge? Dar liom gur í an Ghaeilge an teanga is áille sa domhan ach níl sí rófhurasta in aon chor. Táim á foghlaim le cúpla bliain ach is trua nach bhfuilim líofa fós. Ina theannta sin is maith liom miotais Ghaelacha, litríocht na hAthbheochana Gaelaí agus an litríocht ósna Blascaodaí (táim ag iarraidh "an tOileánach" le T. Ó Criomhthain a léamh, ach tá sé sin deacair go leor).
Agus tusa? Cén fath go ndéanann tú staidéar ar na teangacha Ceilteacha agus cad as do do spéis i gcultúr na gCeiltigh?

Tá brón orm níorbh fhéidir liom freagairt níos luaithe ach bhí mé an-ghnóthach i rith na seachtaine seo caite. Is trua nach mbíonn sibh ag caint as Gaeilge sa rang. Ach cím go bhfuil do chuidse Ghaeilge go maith. Cár fhoghlaim tú í? Sa rang nó nuair a bhí tú i nGaillimh? Maidir le "níl rud ar bith ann lena féad a bheith in éad ort. (?czy to jest poprawne?)", déarfainnse: "Níl aon rud ann go bhféadfadh éad a bheith ort fé" nó "Níl rud ar bith ann a bhféadfadh éad a bheith ort faoi" sa Chaighdeán Oifigiúil, ach nílim cinnte an bhfuil sé sin ceart nó mícheart.

Aontaím leat go bhfuil an Ghaeilge deacair. Ceapaim, áfach, nach bhfuil sí deacair toisc easpa an chaigheáin, ach toisc go múintear i slí mhícheart í - sin í mo thuairim. Gan amhras níl aon chanúint amháin ag na daoine in Éirinn pé teanga (Gaeilge nó Béalra) atá acu. Is é an Béarla an sampla is fearr: tá canúintí ann agus is uaireanta nach dtuigimid na canúintí nach bhfuil cur amach againn orthu. Chomh maith leis sin, tá an Caigheán Oifigiúil sa Ghaeilge, úsáidim féin sa scríobh ó am go ham é, ach ní maith liomsa in aon chor é mar tá sé saorga is mínádúrtha. Is fearr liom na canúintí - canúint na Mumhan go háirithe - tá sí á foghlaim agam. Bhaineas úsáid as leabhair dhifriúla, ar dtús as "an Ghaeilge" le Doyle agus Gussmann, ina dhiaidh sin as "Buntús Cainte", "Learning Irish" le Ó Siadhail, "Buntús na Gaeilge", "Teach Yourself Irish", graiméir éagsúla agus araile. Anois atáim ag baint úsáide as seanleabhair ar foilsaíodh roimh 1940 iad (is maith liom an cló gaelach agus easpa an Chaighdeáin Oifigiúil). Is é "Gaeilge Chorca Dhuibhne" le Ó Sé mo rogha leabhar ach ní lámhleabhar é an leabhar sin ach graiméar tuarascála. Cé na leabhair a mbaineann tú féin úsáid astu? Cén leabhar is fearr leat?

An raibh do laethanta saoire á gcaitheamh i nGaillimh agat nó b'fhéidir, an ndeachaigh tú siar go Gaillimh chun cúrsa Gaeilge a dhéanamh? Scríobh dom mar gheall air sin, más é do thoil é.